ಸ್ಫೂರ್ತಿ

ಜಗತ್ತನೇ ಗೆಲ್ಲುವೆನು ಇಂದೇ..
ನೀನಿರಲು ನನ್ನ ಹಿಂದೆ..

ಪ್ರೀತಿ ಎಂದರೆ......

ಪ್ರೀತಿ ಎಂದರೆ ಏಕಾಂತದ ಮೌನ ಅಲ್ಲ,,
ಪ್ರೀತಿ ಎಂದರೆ ಸಾಗರ ತಳದ ಕತ್ತಲೆ ಅಲ್ಲ..
ಪ್ರೀತಿ ಎಂದರೆ ಸುಡುವ ಬೆಂಕಿ ಅಲ್ಲ…
ಪ್ರೀತಿ ಎಂದರೆ ಗುನುಗುವ ಹಾಡು ಅಲ್ಲ..
ಪ್ರೀತಿ ಎಂದರೆ ಜಾತ್ರೆ ಮಿಠಾಯಿ ಅಲ್ಲ..
ಪ್ರೀತಿ ಎಂದರೆ ಕಿಕ್ಕು ಕೊಡುವ ಸರಾಯಿ ಅಲ್ಲ..

ಪ್ರೀತಿ ಎಂದರೆ... ನಮ್ಮ್ ಬಸ್ ಸ್ಟಾಪ್ ಅಲ್ಲಿ ಹತ್ತೊ ಹುಡುಗಿ..

ಅಮಲು...

ಏರುವುದಿಲ್ಲ ಅಮಲು..

ಕುಡಿದರು ಬಾಟಲುಗಳ ಮೇಲೆ ಬಾಟಲು..

ಒಮ್ಮೆ ಅವಳು ಕಣ್ಣೊಡೆದಳು ನಕ್ಕು..

ಇನ್ನು ಇಳಿದಿಲ್ಲ ಅದರ ಕಿಕ್ಕು...

*****

ಖಾಲಿಯಾಯಿತು ಬಾಟಲಿ..
ನಾ ಏನ ಕುಡಿಯಲಿ?
ನೀ ಇಲ್ಲದ ಬದುಕಲಿ..
ನಾ ಹೇಗೆ ಬಾಳಲಿ?

ನೀನಿಲ್ಲ...

ನನ್ನ ಕವನದಲ್ಲಿನ್ನು ನೀ ಇರುವುದಿಲ್ಲ..
ನನ್ನ ನಿಟ್ಟುಸಿರಲ್ಲಿನ್ನು ನಿನ್ನ ನೆನಪಿರುವುದಿಲ್ಲ..
ನನ್ನ ಕಣ್ಣಲ್ಲಿನ್ನು ನಿನ್ನ ಬಿಂಬವಿರುವುದಿಲ್ಲ
ನನ್ನ ಕನಸಲ್ಲಿನ್ನು ನೀ ಕಾಡುವುದಿಲ್ಲ..
ನನ್ನ ಕಿವಿಯಲ್ಲಿನ್ನು ನಿನ್ನ ದನಿವಿರುವುದಿಲ್ಲ..
ನನ್ನ ಬದುಕಲ್ಲಿನ್ನು ಬಣ್ಣವಿರುವುದಿಲ್ಲ..
ನನ್ನ ಬಾಳಲ್ಲಿನ್ನು ಬೆಳಕಿರುವುದಿಲ್ಲ..

ಕಾರಣ..
ನನ್ನ ಗುಂಡಿಗೆಯಲ್ಲಿ ಪ್ರಾಣವಿರಲ್ಲ...

ಹೇಳಿ ಹೋಗು ಕಾರಣ..

ನೀ ಜೊತೆಯಲ್ಲಿದ್ದರೆ ಸುಖಃದ ಹರಟೆ..
ಜೀವ ಹಸುರು..ಬದುಕು ಶ್ರಾವಣ..
ಜೊತೆಯಿಂದ ಬೇರೆಯಾಗಿ ಹೊರಟೆ...
ಹೋಗುವ ಮುನ್ನ.. ಹೇಳಿ ಹೋಗೆ ಕಾರಣ..

ಕಂಪ್ಲೇಂಟ್ ...

ಬರೀ ಪ್ರೀತಿ - ಕುಡಿತದ ಬಗ್ಗೆನೇ ಬರೀತೀಯ..
ಅನ್ನೋದು ಗೆಳಯರ ಕಂಪ್ಲೇಂಟ್ ...
ಆದರೆ ನಶೆ ಕೊಡುವ
ವಸ್ತುಗಳಷ್ಟೇ ನನಗೆ ಇಂಪಾರ್ಟೆ೦ಟ್...